Kòrsou via dje organisashon Bi Sang Kwan Tang Soo DO Curaçao tabata resientemente anfitrión di e prestigioso simpisio di Tang Soo Do i e kampionato mará na esaki. E evento aki a tuma lugá den sala di deporte Errol Rooi na Sentro Deportivo Kòrsou (SDK) den Brievengat di 14 pa 17 di yuli 2022.
E simposio i kampionato a konta ku partisipashon di praktikantenan for di Chile, Puerto Rico, Aruba, Merka (Florida) i Kòrsou. Durante e simposio tabata tin entrenamentu di standardisashon di teknika pa e diferente delegashonnan.
E totalidat a wòrdu maneha dor di gran maestronan Pedro Vangas i Luis Torres Melendez i maestro Elfried Paulina. Tabata tin un lès speshal di gran maestro Abelardo Destrade Mora den Military Martial Arts i tambe di yudo di maestro Jose Lugo Rivera. A será ku un kampionato den diferente divishon i kategoria.
E kampionato tabata konsisti di hyungs (forma tradishonal òf kata), hyungs ku arma i kombate. E resultado di e kampionato ta lo siguiente.
Hyungs (faha kòrá): 1. Francisca Briceño (Chile), 2. Alejandra Mora (Chile) i 3. Rayson Sparen (Kòrsou); Hyung faha pretu femenino: 1. Paula Riquelme (Chile), 2. Catalina Naranjo (Chile) i 3. Sophie Vrolijk (Aruba); Hyungs faha pretu maskulino: 1. Felipe Acosta (Chile), 2. Nelson Delfino (Chile) i 3. Jorge Lopez (Puerto Rico); Hyungs maestronan: 1. Juan Faundes Plaza (Chile), 2. Luis Raul Torres Melendez (Puerto Rico) i 3. Elfried Paulina (Kòrsou); Hyungs kids: 1. Sebastian Perdomo (Kòrsou), 2. Paulina Perdomo (Kòrsou) i 3. Naim Erkelens (Kòrsou).
Hyungs ku arma faha oraño: 1. Antonia Escobar (Chile), 2. Nibaldo Bastias (Chile) i 3. Yasmin Lambermont (Chile); Hyungs ku arma faha
bèrdè i kòrá: 1. Alejandra Mora (Chile), 2. Jeziel Burgos (Puerto Rico) i 3. Francisca Briceño (Chile); Forma ku arma faha pretu: 1. Jorge Lopez (Puerto Rico), 2. Catalina Naranjo (Chile) i 3. Felipe Acosta (Chile); Kombate kids: 1. Antonia Escobar (Chile), 2. Dequan Ricardo (Kòrsou) i 3. Santiago Lopez Carillo (Kòrsou); Kombate kids 10 aña +: 1. Paulina de Freitas Perdomo (Kòrsou), 2. Naiim Erkelens (Kòrsou) i 3. Angel Rivera (Puerto Rico); Kombate femenina oraño i kòrá: 1. Yasmin Lambermont (Chile) i 2. Francisca Briceño (Chile); Kombate femenino faha pretu: 1. Catalina Naranjo (Chile) i 2. Paula Requilme (Chile); Kombate faha pretu maskulino kids 10+: 1. Dishargelo Ferbius (Kòrsou) i 2. Mariano Bermudez (Chile); Kombate faha pretu maskulino adulto: 1. Angelo Ferbius (Kòrsou), 2. Felipe Zapata (Chile) i 3. Nelson Delfino (Chile).
