Después di e derota sorpresivo kontra St. Lucia djabièrnè siman pasá, e selekshon nashonal di Kòrsou ayera djaluna 9 di sèptèmber 2024 sí a logra gana su di dos wega den Concacaf Nations League. Ela superá e débil tim di San Martin (Sint Maarten Fransés) ku skor di 4 pa 0.
Na mitar di wega, esta na sosiegu, Kòrsou tabata dilanti ku skor di 2 pa 0. Ya for di komienso Kòrsou a bai den atake i na di 10 minüt di wega Juninho Bacuna a skor e promé gol. Gervanne Kastaneer tres minút despues di esaki, esta na di 13 minüt dòbel e skor.
Tres minút despues di sosiegu, esta den di 48 minüt, Leandro Bacuna a skor e di tres gol pa Kòrsou. Joshua Zimmerman, ku porsierto na litimo momentu a kai den selekshon pa motibu di leshon di otro hugadónan titular, a skor e di kuater gol. Esaki tabata den e di 65 minüt di wega.
Kòrsou a dominá e akshonnan riba e vèlt. E selekshon nashonal tabata pa mayor parti di wega den posesion di bala (54 porshento), tabatin tambe gran mayoria di su pasenan bon (74 porshento) i a forsá 8 ‘còrner’ (tiru di skina).
FOTONAN: FFK
