E kampionato di beisbòl di Kòrsou den divishon máksimo ta ranka sali djasabra akí, esta 15 di yüni 2024. Den e wega di apertura Royal Scorpions i Sta. Rosa Indians ta topa otro.
Federashon Beisbòl Kòrsou (Febeko) ta organisá e kompetensia den liga superior, konosí komo liga Dòbel A. Tur e weganan dje kampionato ta tuma lugá den Tio Daou Ballpark na Noord Zapateer.
E kompetensia regular ta bai te luna di oktober. Ta hunga 5 buelta. Tur wega ta bai te ku 7 inen, pues no ta hunga 9 inen a menos ku e wega ta empatá den di 7 inen. Den siman i riba djasabra e weganan ta kuminsá 8or di anochi. Riba diadumingu ta hunga 2 wega: e promé ta kuminsá 3or atardi i e di dos 7or anochi.
E tim di Royal Scorpions ta e kampion aktual. Ela gana den e final di aña pasá di Sta. Rosa Indians, ku pues a bira supkampion. E portanan di Tio Daou Ballpark djasabra’ki ta habri for di 7or.
Un dia despues, djadumingu Marchena Braves ta hunga kontra Groot Kwartier Stars pa 3or i 70r Wild Cats ta topa Sta. Maria Pirates. Febeko a programá weganan riba djamars, djarason, djaweps i djadumingu. Riba djaluna i djabièrne no tin wega.