E kampionato di vòlibòl di Kòrsou a kontinua awenochi, djadumingu 24 di novèmber 2019, ku algun wega di bon akshon den Sala Errol Rooi di Sentro Deportivo Kòrsou (SDK), Brievengat.
Den divishon maskulino superior Stakamahakchi ta logra un viktoria riba Titus ganando 3-1. Aunke ku e skor aki no ta mustra, pero e wega tabata hopi bon bringá. E parsialnan na fabor di Stakamahakchi: 25-27, 25-19, 25-13 i 25-20.
E tim di Wishi Tigers a bende su kueru karu ora ku nan a hunga kontra Warwarú. Sinembargo e volibolistanan di Warwaru a skor oportuno pa gana 3-1. E parsialnan: 25-13, 25-17, 24-26 i 25-20.
Den klase femenino superior tambe tabatin dos wega. Primeramente Jumping Jewels a fiestá ganando di Xaverianen 3-0: 25-14, 25-12 i 24-15.
Den e enkuentro di fondo Stakamahakchi Guardian Group a presentá determiná i no a duna Hurricane niun chèns pa kue forsa i den tres sèt e muchanan di Remo Martha a gana ku parsialnan 25-20, 25-16 i 25-22.
Federashon Vòlibòl Kòrsou (FeVoKo) ta sigui mañan ku e kampionato 8or di anochi den Sala Errol Rooi ku kuater wega den klase A. Den divishon femenino Shuaranari ta hunga kontra Xaverianen i na mes momentu Xaverianen ta topa Stakamahakchi den maskulino. Mas lat Watakeli ta sali kontra Jumping Jewels den femenino A i Wishi Tigers ta hunga kontra Watakeli. ._color&&1677