Federashon Deporte I Olimpiko Korsou (FDOK) a instalá djamars 17 di dezèmber 10 baluarte den Salon di Fama. Esaki a tuma lugá durante un anochi di gala den World Trade Center.
Komo maestro di seremonia a fungi Alexander Makaya. Sharrel Denisia a kanta himno di Kòrsou, miéntras ku pastor Curtis Meris a guia un invokashon.
Tabatin tambe presentashon na públiko dje miembronan aktual na bida di Salon di Fama. Presidente di FDOK, Rignaal ‘Jean’ Francisca a hiba palabra, miéntras ku Lisette Sambo-Velder a representá minister di Deporte Marilyn Alcalá-Wallé.
Tabatin instalashon den Salon di Fama dje sigiuente baluartenan: Eva Marie Tujeehit-Suriel (Taekwondo), Eric Ogenia (Vòlibòl), Gilbert Snijders (Bowling), Henk D’Arneult (Vòlibòl), Hubert Jansen (Futbòl), Hubert Zimmerman (Bokseo), defuntu Nazario Martijn (Natashon), Renato Anasagasti (Beisbòl), Sylvanie Clarke (Sòfbòl) i Wenfrid Jacoba (Beisbòl). fff
