E selekshon di Kòrsou a tèrminá komo supkampion den grupo C dje kampionato di Concacaf U20. Guatemala a sali kampion derotando netamente nos selekshon ku skor minimo ayera, djasabra 2 di mart 2024.
E úniko gol dje wega a kai na di 63 minüt. Tabata e hungadó Olger Escobar ku a skor esaki. Porsierto ku Guatemala a gana tur su kuater weganan ku ela hunga den grupo C.
E selekshon di U20 di Kòrsou ta e úniko ku a wanta e tim di Guatemala na 1 gol. E selekshon aki a gana tur sobrá kontrinkante ku 3 gol òf mas.
E tim di Kòrsou a gana dos wega, empatá un i pues pèrdè kontra Guatemala ku tabata e pais anfitrión dje weganan den grupo C di Concacaf U20. E selekshon aki ta sigui pa e sigiuente buelta den e siklo pa yega Mundial di U20.
