E selekshon di Liga Pariba a klasifiká pa semi final dje kampionato Latino Amerikano di Junior. E ta hunga mañan kontra un dje timnan di Nicaragua, kaminda ku e kompetensia ta tumando lugá.
Liga Pariba ta hunga den pul B dje kampionato regional di Junior na Managua, Nicaragua. E kompetensia ta pa hóbennan entre 12 i 14 aña di edat.
Den su promé wega Liga Pariba a sali brabu ganando ku skor grandi di Guatemala: 15 pa 0. Despues e tim representando Kòrsou a gana ku skor di 2 pa 0 di Nicaragua. Su di tres wega Liga Pariba a derotá Costa Rica ku skor di 19 pa 1.
Liga Pariba di forma invikto a klasifiká pa semi final i ta hunga mañan djarason kontra un dje timnan di Nicaragua. E wega aki ta kuminsá 9or di mainta.
![](https://storage.googleapis.com/sportcwmedia/2024/07/42e1b8ab-pict-1.jpeg)
![](https://storage.googleapis.com/sportcwmedia/2024/07/f730e768-group-pic-2.jpeg)