E selekshon di Nicaragua a sorprendé Kòrsou awenochi, djaweps 29 di yüni, den e kompetensia di beisbòl di Juegos Centro Américano y del Caribe (CAC) 2023. Ganá ku skor di 5 pa 3 den ultimo inen, Nicaragua ta hinka 3 kareda den su ultimo turno na bate pa laga Kòrsou den tereno: 6 pa 5.
Den e promé tres inennan Kòrsou ni Nicaragua no a skor. E tim lokal den kabes dje di kuater inen a hinka 3 kareda pa bai ariba 3-0. Ku 1 kareda den bòm dje mesun kuater inen i despues 2 kareda den di sinku inen Nicaragia a logra empatá e skor na 3 kareda.
E timnan a sigui lucha i tabata Kòrsou ku den di shete alabes ultimo inen a hinka 2 kareda pa bolbe bai dilanti: 5 pa 3. Sinembargo Nicaragua a bolbe bin dja’tras i no solamente a empatá e wega, pero asta a skor e kareda pa gana lagando Kòrsou den tereno: 6 pa 5.
Despues di a gana di El Salvador, pèrdè kontra di Cuba, e wega kontra di Mexivo pa motibu di awaseru no a sigui. Despues Kòrsou a gana dos wega siguí kontra respektivamente Venezuela i Puerto Rico, i awor pèrdè kontra di Nicaragua.
E otro resultadonan di awe djaweps tabata: Cuba vs El Salvador 15-0, Cuba vs Repúblika Dominikana 12-0 i Mexico vs Puerto Rico 5-4.
Foto:FEBEKO