E selekshon di Liga Pariba awe a gana su di tres wega den e kampionato di Karibe di Little League. E di dos tim di Kòrsou a superá Boneiru ku skor grandi di 11-0.
Picher Jadeal Janga a gana e wega pa Kòrsou. E no a pèrmiti niun kareda ni hit na Boneiru. Angemar Raiz tabata mihó batiadó pa Liga Pariba. Ela bati 2 hit den 2 turno.
Mas aleu Bahamas a gana Antigua ku skor tambe di 11-0. Aruba a supera US Virgin Islands ku skor di 10-7. Puerto Rico tambe a derotá San Martin ku skor di 14-1. Finalmente Cuba a gana Republika Dominikana ku skor di 7-0.
Liga Pariba ta komandá e tabla di posishon den pul B ku 3 triunfo sin derota. Na di dos lugá Bahamas ku 2 viktoria i 1 derota. Cuba i Republika Dominikana tin kada un 1 wega ganá i 1 pèrdí. Antigua i Boneiru a pèrdè nan dos weganan.
Den pul A Liga Pabou ta na kabes ku 2 triunfo sin derota. Aruba ta sigui ku 1 wega ganá sin derota. Puerto Rico i US Virgin Islands tin kada un 1 triunfo i 1 wega pèrdí. San Martin tin 3 derota sin niun viktoria.
Mañan, djamars 4or di atardi, Liga Pariba ta topa Republika Dominikana i 7or di anochi Liga Pabou ta hunga kontra Aruba Tur dos wega ta tuma luga den parke di beisbòl Post 6 na Rio Canario.
Organisashon dje kampionato ta anunsiá ku bishitantenan por stashoná nan outo tambe na Post 5.
Liga Pariba vs
Boneiru
Liga Pariba vs Boneiru 
Aruba vs US Virgin Island 
Aruba vs US Virgin Island 
Aruba vs US Virgin Island