E plan di fakansi deportivo di Fundashon Desaroyo Deportivo Kòrsou (FDDK) a kuminsá ayera djamars. Manera otro añanan e aktividat aki ta tuma luga na Sentro Deportivo Kòrsou (SDK), Brievengat.
E evento di FDDK akí ta destiná pa hubentut i ta gratis. E hóbennan mes of nan mayornan i/òf guia mester mustra nan ID/sedula. E plan di fakansi deportivo ta dura te i ku diabièrnè awor i ta kuminsá tur dia for di 8or di mainta i ta dura te 12or.
E hoben ku ke partisipá, por skohe entre diferente aktividatnan deportivo manera entre otro vòlibòl, basketbòl, waterpolo, kompetensia di atletismo etsetera. Tambe e hóbennan, nan mayornan i nan guia por haña informashon tokante salú i kuido di wowo, orea i djente (higiëna di boka).
