Después di e promé siklo di dos wega den e seri di kwalifikashon pa Mundial di Karibe, Rangelo Janga di selekshon nashonal di futbòl di Kòrsou ta okupá e promé lugá dje lista di goleadónan. E ta kompartí e posishon aki sinembargo ku e hamaikano Shamar Nicholson. Tur dos tin tres gòl.
E tim di Kòrsou bou di direkshon di Dick Advocaat ta na kabes di grupo C di e kwalifikashon pa Mundia di Karibe. Kòrsou ta kompartï e posishon aki ku Haïti. Tur dos selekshon a gana nan promé dos partido.
Kòrsou a gana Ku skor di 4-1 kontra Barbados akí na kas dia 5 di yüni i despues triunfá ku skor di 2-0 riba Aruba riba 8 di yüni. Janga a hinka 3 dje kuater gòlnan den e wega na kas den Stadion Ergilio Hato di Sentro Deportivo Kòrsou (SDK).
E selekshon nashonal di Jamaica tambe a gana su dos weganan den e promé mitar dje e kwalifikashon pa Mundia di Karibe. E tim akí ta na kabes di grupo D hunto ku Nicaragua ku 6 punto. Den su promé wega Jamaica a gana ku skor minimo dje selekshon nashonal di Repúblika Dominikano (1-0). Nicholson a skor e gòl akí, miéntras ku den e wega kontra Dominica (3-2) ela a hinka dos gol.
Después di Janga i Nicholson ku tin 3 gòl, ta sigui 13 futbolista ku dos gòl.
![](https://storage.googleapis.com/sportcwmedia/2024/06/ad8422c8-cur-v-barb.jpg)
Foto: Jacinto de Jesus