E tim TTT a gana e kompetensia di tenis di mesa pa tim di Federashon di Tenis di Mesa Kòrsou (CTTB). E kampionato aki a forma parti di e Siman Olímpiko di Federashon Deporte I Olímpiko Kòrsou (FDOK) ku a tèrminá ayera djadumingu 11 di ougùstùs.
E kompetensia di tenis di mesa pa timnan a tuma lugá na sala di rekreo Irene Moreno na Muizenberg. E torneo a bira un lucha fuerte pero deportivo.
Finalmente e tim TTT a bira kampion. E ekipo aki ta formá pa Dimitri Leon, Juan Carlos Sanchez i Loretta Ursula.
E tim Awoki Shots di Henny Metry, Raymond Begina i Ravi Radjwani a gana e medaya di plata. E brons a bai pa Jaysron Mathilda, Sigmar Carmelia i Luigiroy Mathilda dje tim Donic.
